ഏകദേശം 27 കോടിയോളം പേർക്കാണ് രണ്ടാം ഘട്ടത്തിൽ വാക്‌സിൻ നൽകാൻ രാജ്യം ശ്രമിക്കുന്നത്. കൊവിൻ ആപ്പ് മാത്രമല്ല ആരോഗ്യസേതു ആപ്പിലൂടെയും, കോവിൻ വെബ്സൈറ്റിലൂടെയും, ഗ്രാമങ്ങളിലെ സേവാകേന്ദ്രങ്ങളിൽ നേരിട്ട് ചെന്നും വാക്‌സിനേഷനായി റെജിസ്റ്റർ ചെയ്യാം.
കൊവിൻ (CoWIN) ആപ്പിലൂടെയാണ് കൊവിഡ്-19 വാക്‌സിനായി റജിസ്റ്റർ ചെയ്യേണ്ടത്. എന്നാൽ കൊവിൻ ആപ്പ് മാത്രമല്ല ആരോഗ്യസേതു ആപ്പിലൂടെയും, കോവിൻ വെബ്സൈറ്റിലൂടെയും, ഗ്രാമങ്ങളിലെ സേവാകേന്ദ്രങ്ങളിൽ നേരിട്ട് ചെന്നും വാക്‌സിനേഷനായി റെജിസ്റ്റർ ചെയ്യാം. കൊവിൻ, ആരോഗ്യ സേതു, കൊവിൻ വെബ്സൈറ്റ് എന്നീ മാധ്യമങ്ങളിലൂടെ റജിസ്റ്റർ ചെയ്യാൻ ആഗ്രഹിക്കുന്നവർ താഴെ പറയുന്ന രീതിയിൽ വിജയകരമായി രെജിസ്ട്രേഷൻ പ്രക്രീയ പൂർത്തീകരിക്കാം.
എങ്ങനെ റജിസ്റ്റർ ചെയ്യാം?
1. CoWIN, ആരോഗ്യ സേതു ആപ്പ് അല്ലെങ്കിൽ Cowin.gov.in വെബ്സൈറ്റ് തുറക്കുക.
2. നിങ്ങളുടെ മൊബൈൽ നമ്പർ നൽകി 'ഗെറ്റ് ഒടിപി' (വൺ ടൈം പാസ്‌വേഡ്) ക്ലിക്കുചെയ്യുക. നിങ്ങളുടെ മൊബൈൽ നമ്പറിൽ ലഭിച്ച ഒടിപി നമ്പർ നൽകി വെരിഫൈ ക്ലിക്ക് ചെയ്യുക.
3. ആരോഗ്യ സേതു അപ്ലിക്കേഷനിൽ, കോവിൻ ടാബിലേക്ക് പോയി വാക്സിനേഷൻ ടാബിൽ അമർത്തുക.
4. തുടർന്ന് ഫോട്ടോ ഐഡി നമ്പർ, നിങ്ങളുടെ മുഴുവൻ പേര് എന്നിവ നൽകേണ്ട ഒരു രജിസ്ട്രേഷൻ പേജ് ദൃശ്യമാകും. നിങ്ങളുടെ ലിംഗഭേദവും പ്രായവും ഇവിടെ ടൈപ്പ് ചെയ്യണം. ഫോട്ടോ ഐഡിയായി ഡ്രൈവിംഗ് ലൈസൻസ്, ആധാർ കാർഡ് തുടങ്ങിയവ ഉപയോഗിക്കാം.
5. 60 വയസ്സിന് മുകളിൽ പ്രായമുള്ള മുതിർന്ന വ്യക്തിയാണ് നിങ്ങൾ എങ്കിൽ നേരിട്ട് റജിസ്റ്റർ ബട്ടൺ അമർത്താം. അതെ സമയം 45 വയസ്സിന് മുകളിൽ പ്രായമുള്ള മറ്റ് അസുഖങ്ങൾ ഉള്ള വ്യക്തിയാണ് നിങ്ങൾ എങ്കിൽ 'നിങ്ങൾക്ക് എന്തെങ്കിലും കോമോർബിഡിറ്റികൾ ഉണ്ടോ' (മുമ്പുണ്ടായിരുന്ന മെഡിക്കൽ അവസ്ഥകൾ) എന്ന് ചോദിക്കുമ്പോൾ യെസ് എന്ന് ക്ലിക്ക് ചെയ്യണം. ഈ മെഡിക്കൽ അവസ്ഥയുമായി ബന്ധപ്പെട്ട മെഡിക്കൽ രേഖകൾ നിങ്ങൾ വാക്സിനേഷൻ സമയത്ത് കൈവശം വയ്ക്കണം. രജിസ്റ്റർ അമർത്തി കഴിഞ്ഞാൽ, രജിസ്റ്റർ ചെയ്ത മൊബൈൽ നമ്പറിലേക്ക് ഒരു സ്ഥിരീകരണ മെസ്സേജ് ലഭിക്കും.
6. രജിസ്ട്രേഷൻ പ്രക്രിയയ്ക്ക് ശേഷം, സിസ്റ്റം നിങ്ങളുടെ അക്കൗണ്ട് വിശദാംശങ്ങൾ പ്രദർശിപ്പിക്കും. ഒരു വ്യക്തിക്ക് മുമ്പ് നൽകിയ മൊബൈൽ നമ്പറിലേക്ക് ലിങ്കുചെയ്ത നാല് പേരെ കൂടി ചേർക്കാൻ കഴിയും. അതിനായി 'ആഡ് ബട്ടൺ' ക്ലിക്കുചെയ്ത് മറ്റ് വ്യക്തികളുടെ വിശദാംശങ്ങളും നൽകാം.
7. രജിസ്റ്റർ ചെയ്ത പേരുകളുടെ അക്കൗണ്ട് വിശദാംശങ്ങൾക്ക് മുന്നിൽ “ആക്ഷൻ” എന്ന കോളം കാണാം. അതിന് ചുവടെ, ഒരു കലണ്ടർ ഐക്കൺ കാണും. വാക്സിനേഷൻ എടുക്കേണ്ട തിയതിയും, സ്ഥലവും തിരഞ്ഞെടുക്കാൻ ഇത് ക്ലിക്ക് ചെയ്യുക.
8. ബുക്ക് അപ്പോയ്ന്റ്മെന്റ് ഫോർ വാക്സിനേഷൻ എന്ന പേജിലേക്ക് എത്തുക. ഇവിടെ സംസ്ഥാനം/കേന്ദ്രഭരണ പ്രദേശം, ജില്ല, ബ്ലോക്ക്, പിൻകോഡ് തുടങ്ങിയ വിശദാംശങ്ങൾ നൽകുക. തുടർന്ന് “സെർച്ച്” ബട്ടണിൽ ക്ലിക്കുചെയ്യുക.
9. നിങ്ങളുടെ അടുത്തുള്ള വാക്സിനേഷൻ കേന്ദ്രങ്ങളുടെ ഒരു പട്ടിക ദൃശ്യമാകും. ലഭ്യമായ വാക്സിനേഷൻ തിയതിയും, സമയവും (സ്ലോട്ട്), കേന്ദ്രവും നോക്കി നിങ്ങളുടെ ഇഷ്ടാനുസരണം ഒന്ന് തിരഞ്ഞെടുക്കാം. അടുത്ത ആഴ്ചയിലെ തിയ്യതികളും തിരഞ്ഞെടുത്ത് “ബുക്ക്” ചെയ്യാം.
10. റജിസ്റ്റർ ചെയ്തതിന്റെ വിശദാംശങ്ങൾ പ്രദർശിപ്പിക്കുന്ന “അപ്പോയിന്റ്മെന്റ് കൺഫർമേഷൻ” പേജ് തുറക്കും. വിവരങ്ങൾ ശരിയാണെങ്കിൽ “കൺഫേം” ക്ലിക്കുചെയ്യുക അല്ലെങ്കിൽ ചില മാറ്റങ്ങൾ വരുത്തുന്നതിന് “ബാക്ക്” ക്ലിക്കുചെയ്യുക. അവസാനം, എല്ലാ വിശദാംശങ്ങളും പ്രദർശിപ്പിക്കുന്ന ഒരു “അപ്പോയിന്റ്മെന്റ് സക്സസ്ഫുൾ” പേജ് ദൃശ്യമാകും. ഇത് നിങ്ങൾക്ക് ഡൗൺലോഡ് ചെയ്‌തു സൂക്ഷിക്കാവുന്നതാണ്.
0 അഭിപ്രായങ്ങള്‍