നോക്കിയ 5.4 സ്മാർട്ട്ഫോണുകൾ ഇന്ത്യൻ വിപണിയിലെത്തി

 

നോക്കിയ 5.4

നോക്കിയുടെ പുതിയ ബജറ്റ് ഫ്രണ്ട്‌ലി സ്മാർട്ട്ഫോൺ നോക്കിയ 5.4 ലോഞ്ച് ചെയ്തിരിക്കുന്നത്. നോക്കിയ 5.4 സ്മാർട്ട്ഫോണിൽ ക്വാഡ് റിയർ ക്യാമറ സെറ്റപ്പാണ് നൽകിയിട്ടുള്ളത്. 

ഡ്യുവൽ സിം (നാനോ) സപ്പോർട്ടുള്ള നോക്കിയ 5.4 ആൻഡ്രോയിഡ് 10ൽ പ്രവർത്തിക്കുന്നു. 6.5 ഇഞ്ച് എച്ച്ഡി + (720x1,560 പിക്‌സൽ) ഡിസ്‌പ്ലേയാണ് ഡിവൈസിൽ ഉള്ളത്. ഈ ഡിസ്പ്ലെയ്ക്ക് 19.5: 9 അസ്പാക്ട് റേഷിയോവും 400 നിറ്റ് പീക്ക് ബ്രൈറ്റ്നസും ഉണ്ട്. ക്വാൽകോം സ്‌നാപ്ഡ്രാഗൺ 662 എസ്ഒസിയാണ് ഡിവൈസിന് കരുത്ത് നൽകുന്നത്. 64 ജിബി ഓൺബോർഡ് സ്റ്റോറേജുള്ള സ്മാർട്ട്ഫോണിൽ 6 ജിബി റാമും ഉണ്ട്.

48 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ ലെൻസുള്ള 5 മെഗാപിക്സൽ സെൻസർ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ മാക്രോ ക്യാമറ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഡിവൈസിൽ ഉള്ളത്. ഡിവൈസിന്റെ മുൻവശത്ത്, 16 മെഗാപിക്സൽ സെൻസറാണ് നൽകിയിട്ടുള്ളത്. ഈ സെൽഫി ക്യാമറ സ്ഥാപിക്കാനായി ഡിസ്പ്ലെയിൽ ഹോൾ-പഞ്ച് കട്ടൌട്ട് നൽകിയിട്ടുണ്ട്.

നോക്കിയ 5.4 ലെ കണക്റ്റിവിറ്റി ഓപ്ഷനുകളിൽ വൈ-ഫൈ, ബ്ലൂടൂത്ത് 4.2, ജിപിഎസ് / എ-ജിപിഎസ്, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി യുഎസ്ബി ടൈപ്പ്-സി പോർട്ട് എന്നിവ ഉൾപ്പെടുന്നു. ഓൺ‌ബോർഡ് സെൻസറുകളായി ആമിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ആക്‌സിലറോമീറ്റർ, ഗൈറോസ്‌കോപ്പ് എന്നിവ നൽകിയിട്ടുണ്ട്. ഡിവൈസിന് പിന്നിൽ ഫിംഗർപ്രിന്റ് സ്‌കാനറും ഉണ്ട്. 10W ചാർജിങ് സപ്പോർട്ടുള്ള 4,000 എംഎഎച്ച് ബാറ്ററിയാണ് ഡിവൈസിൽ ഉള്ളത്.

നോക്കിയ 5.4 രണ്ട് കോൺഫിഗറേഷനുകളിൽ ലഭ്യമാകും. 4 ജിബി റാമും 64 ജിബി സ്റ്റോറേജുമുള്ള ഡിവൈസിന് 13,999 രൂപയാണ് വില, 6 ജിബി റാമും 64 ജിബി സ്റ്റോറേജുമുള്ള ഡിവൈസിന് 15,499 രൂപ വിലയുണ്ട്. ഡസ്ക്, പോളാർ നൈറ്റ് കളർ ഓപ്ഷനുകളിൽ ഇത് ലഭ്യമാകും.

നോക്കിയ 5.4 സ്മാർട്ട്ഫോണിന്റെ വിൽപ്പന ഫെബ്രുവരി 17 മുതൽ ഫ്ലിപ്പ്കാർട്ട്, നോക്കിയ ഇന്ത്യ വെബ്സൈറ്റ് എന്നിവ വഴി ആരംഭിക്കും.